Колледж миссиясы: Білім деңгейі жоғары, ой-өрісі икемді, кәсіби шеберлігі бар, өзінің жеке стратегиясын құра алатын, бәсекеге қабілетті, ұлттық рухты бойына сіңірген мамандарды дайындау.

Директордың ақпараттық-коммуникациялық технологиялар жөніндегі орынбасары

Заместитель директора по информационно-коммуникационный технологии

Жумагулова Аккенже Байтореевна, 1995 жылы Х.Досмұхаммедов атындағы Атырау мемлекеттік университетін математика және информатика мамандығы бойынша бітіргеннен кейін Атырау облысы, Құрманғазы ауданындағы Ә.Сәрсенбаев атындағы орта мектебіне информатика пәнінің мұғалімі болып, 2001 - 2007 жылдары Маңғыстау облысы, Бейнеу ауданындағы Бейнеу гимназиясында мамандығына сай еңбек етті. Осы жылдар ішінде нәтижелі еңбек етті. 2003 жылы информатика пәні бойынша аудандық олимпиадаға қатысып, ауданда I орын, облыста III орынға ие болса, 2005 жылы аудандық «Жыл мұғалімі» сайысында I орынды, облыстық «Жыл мұғалімі» сайысында II орынды иеленіп, Маңғыстау облыстық Білім департаментінің дипломдарымен марапатталды. 2004 жылы Ақтау қаласында ұйымдастырылған мұғалімдердің облыстық тамыз кеңесінде «Сабақты оқушыларға жан-жақты меңгерту үшін PowerPoint бағдарламасын пайдаланып, электрондық оқулықтар жасау» тақырыбында шығармашылық жұмысын қорғап, секция жұмысына қатысушы облыс көлеміндегі әріптестерімен тәжірибе алмасты. 2006 жылы 15 желтоқсанда Қазақстан Республикасы ғалымдары мен педагогтерінің «Қазақ білім Академиясы» қоғамдық бірлестігі Төралқасының шешімімен «Педагог-зерттеуші» атағы және белгісімен, 2007 жылы Бейнеу аудандық білім беру ұйымдарының мұғалімдерінің тамыз кеңесінде аудандық білім беру ұйымының Құрмет грамотасымен, 2014 жылы Маңғыстау облысының білім беруді ақпараттандыру оқу-әдістемелік орталығының Білім беру жүйесін ақпараттандыру саласына қосқан үлесі мен шығармашылық ерен еңбегі үшін Алғыс хатпен марапатталды.

2007 жылдан бастап Бейнеу гуманитарлық- экономикалық колледжінде колледж директорының тәрбие істері жөніндегі орынбасары және 2012-2013 оқу жылынан бастап информатика пәні оқытушысы қызметін атқарып келеді. Маңғыстау облысының мұғалімдер біліктілігін арттыру институты 1.04.2009ж күнгі кеңесінің №2/1 шешімі бойынша «Экономика, бухгалтерлік есеп және аудит» мамандықтары бойынша «Экономикалық информатика және ақпараттық технология» пәнін оқыту бағдарламасы және информатика пәні бойынша тестілер жинағын бекітті.

2009 жылдың қазан айында Маңғыстау облысының білім беруді ақпараттандыру оқу - әдістемелік орталығының базасында өткізілген «Ең үздік Веб-сайт» ІІ облыстық байқауына әріптесі Ж.Жолаевпен бірге қатысып, І орынға ие болды. Осы жылдың қараша айында Маңғыстау облысының білім беруді ақпараттандыру оқу - әдістемелік орталығы базасында ұйымдастырылған бастауыш және орта кәсіптік білім беру ұйымдары арасында «Үздік информатика кабинеті» ІІ облыстық сырттай байқауында ол жасақтаған №11 информатика кабинеті ІІІ орынға ие болды.

2012 жылы желтоқсан айында Бейнеу гуманитарлық - экономикалық колледжінде ұйымдастырылған «Жас маман сіздер үшін» атты тәлімгерлер семинарында информатика теориясы әдістемесі және ДЭЕМ практикумы пәні бойынша «Презентация құру тәсілдері» тақырыбында жас мамандарға ашық сабақ үлгісін көрсетті.

Ақкенже өз білімін үнемі жетілдіріп отырады. 1998 жылы Атырау облыстық білім жетілдіру институты жанындағы Жаңа технологиялар орталығында ұйымдастырылған «Қолданбалы пакет бағдарламалармен жұмыс», 2000 жылы Алматы қаласында өткен Білім беру жүйесінің басшы және ғылыми - педагогикалық кадрлары біліктілігін арттыратын республикалық институтта ұйымдастырылған «Компьютерді үйренудің және қолданудың жаңа тәсілдері», 2002 жылы Астана қаласында өткен «Дарын» Республикалық ғылыми-практикалық орталығы ұйымдастырған «Дарынды балалармен жұмысқа педагогтардың тұлғалық және кәсіптік даярлығын қалыптастыру», 2006 жылы Ақтау қаласында өткен «Microsoft Visual Studio.net бағдарламасы», 2007 жылы «MERiTS Teachers бағдарламасы» оқу курстарының сынақтарынан, «Интерактивті тақтаны сабақ үрдісінде қолдану» тақырыбында төрт күндік машықтандырудан өтіп, 2006 жылы Қазақстан Республикасы Білім және ғылым министрлігі «Дарын» республикалық ғылыми-практикалық орталығы ұйымдастырған «Қабілеті жоғары балаларды қолдап, жетілдірудегі облыстық департаментінің ролі» тақырыбындағы Республикалық-аймақтық семинарға, 2008 жылы Маңғыстау облыстық білім беру ұйымдары қызметкерлерінің біліктілігін арттыру институты ұйымдастырған «Кәсіптік білім беру ұйымдарының біліктілік арттыру шараларына қатысу рейтингісінің қорытындысы» тақырыбындағы семинарға, 2009 жылы Ш.Есенов атындағы Каспий мемлекеттік технологиялар және инжиниринг университетінің Теңіз технологиялар институты ұйымдастырған «Жастар және ақпараттық технологиялар» атты Республикалық ғылыми-тәжірибелік конференцияға, 2009 жылы Маңғыстау облыстық білім беру ұйымдары қызметкерлерінің біліктілігін арттыру институтының ұйымдастыруымен Маңғыстау политехникалық колледжі базасында «Оқушылардың кәсіби шеберлігі мен дағдысын қалыптастырудағы ақпараттық технологияның ролі» тақырыбында өткен облыстық семинар-практикумға, 2013 жылы Астана қаласындағы «Келешек» психологиялық орталығының ұйымдастыруымен өткізілген «Стресске төзімділікті қалыптастыру және эмоционалды күйзелісті алдын-алу дағдыларын дамыту» тақырыбындағы семинар-тренингке,2013 жылы қыркүйек айында «Өрлеу» Біліктілікті арттыру ұлттық орталығы» АҚ филиалы Маңғыстау облысыбойынша педагогикалық қызметкерлерінің біліктілігін арттыру институты ұйымдастырған «Білім беру ұйымдарында электрондық оқыту (е-Learning) жүйесінде оқытуды басқару» тақырыбында болған курсқа, 2013 жылы Маңғыстау облысының білім беруді ақпараттандыру оқу-әдістемелік орталығы ұйымдастырған «Жаңа ақпараттық инновациялық технологияларды пайдалану арқылы оқушылардың білім сапасын арттырудың мүмкіндіктері» тақырыбындағы облыстық семинарға қатысып, куәліктер мен сертификаттарға ие болды. А.Жумагулова 2013 жылы Атырау облысы бойынша педагогикалық қызметкерлердің біліктілігін арттыру институты «Өрлеу» біліктілікті арттыру ұлттық орталығы» АҚ филиалы ұйымдастырған «Біліктілікті арттыруды ғылыми- әдістемелік қамтамасыз ету – педагогикалық кадрлардың кәсіби құзырлылығын қалыптастырудың басты шарты» тақырыбындағы республикалық ғылыми-тәжірибелік конференцияда «Педагог мамандарды дайындауда АКТ-ны қолданудың тиімділігі» тақырыбында баяндама жасап, Атырау облысы бойынша педагогикалық қызметкерлердің біліктілігін арттыру институтының Алғыс хатымен марапатталды.

2014 жылы 7-ші ақпанда өткен «Жаңартылған білім беру жағдайында инновациялық технологиялармен оқытудың тиімділігі» тақырыбындағы облыстық семинар-практикумда «Интерактивті тақтаның мүмкіндіктері» тақырыбында шеберлік сыныбын өткізді.

А.Жумагулова әзірлеген Программалау арнайы пәні бойынша силлабусы Маңғыстау облыстық техникалық және кәсіптік білім берудің оқу-әдістемелік кабинеті кеңесінің 2014 жылғы 12 наурыз күнгі №1 хаттамасы бойынша бекітілген.