Мемлекетіміздің білім беру үдерісіне енген жаңартылған білім беру бағдарламасы — заман талабына сай келешек ұрпақтың сұранысын қанағаттандыратын тың бағдарламалардың бірі

Мемлекетіміздің білім беру үдерісіне енген жаңартылған білім беру бағдарламасы — заман талабына сай келешек ұрпақтың сұранысын қанағаттандыратын тың бағдарламалардың бірі. Мұғалімнің алдында оқушыларға білім мен тәрбие беруде үлкен жауапкершілік тұр. Әрбір оқушыны оқытып тәрбиелеуге байланысты мәселелерді өздігімен және шығармашылық ынтамен шешуге қабілетті жаңашыл мұғалім керек.Солардың бірі - Астана қаласынан педагогикалық шеберлік орталығынан тренерлерді оқыту курсын аяқтаған колледжіміздің педагогика оқытушысы Хыдырбаева Ләззат Қайырханқызы.
Ләззат Қайырханқызы жаңартылған білім беру мазмұнында дене тәрбиесі және оқыту мамандығының 4 курс студенттеріне "Бағалау үдерісінің мақсаты. Оқу үшін бағалау дегеніміз не ?" тақырыбында сабақ өткізді. Студенттерді сандар арқылы топқа бөліп, сабақта "Джигсо" әдісі, "Бес саусақ " әдісі, " Ой қозғау" стратегияларын пайдаланды. Оқушылар постер қорғап, дәстүрлі, критериалды түрде бағалай отырып, айырмашылықтарын талқылады.